Lalaki, patay sa aksidente sa Tigbauan

Tigbauan, Iloilo– Patay ang 28-anyos nga lalaki matapos natumba sa ginasakyan nga motorsiklo sa Barangay Bagacay, subong nga gab-i, Pebrero 18.

Ginkilala ang biktima kay Allen Agligar sang Barangay Atabayan.

Halin sa balay sang iya ginikanan sa Barangay Bayuco ang biktima kag pauli na kontani sa Atabayan sang natumba sa dulhugan nga parte sang Sitio Bolocaue Barangay Bagacay.

Gindala pa sa Guimbal District Hospital ang biktima apang wala gid natabangan bangud sa patal nga pilas sa ulo.

Sa imbestigasyon ni PO3 Alfie Alcones, imbestigador sang Tigbauan Police Station, naka-inum ang biktima. (JoMaque)