1 sa 5 ka missing nga seafarers sa nasunog nga fishing vessel nga Jung Ron, taga-Iloilo

Iloilo, City— Taga-Iloilo ang isa sa lima ka seafarers nga missing matapos nasunog ang ginasakyan nga Taiwanese fishing vessel nga Jung Ron malapit sa Falkland Island sa South Atlantic Ocean.

Ginkomfirmar ni Mary Ann Bordan nga bana niya ang isa sa lima ka missing nga ginkilala kay Johnrey Bordan nga tumandok sang North Baluarte, Molo.

Suno kay Mary Ann, Enero 3 lang nagsakay ang iya bana kag Pebrero 11 nabalitaan niya nga nasunog ang ginasakyan nga barko sang bana kag isa siya sa lima ka missing.

64 ka crew members sang barko ang na-rescue.

Report sang South Atlantic News Agency, ginpahayag nga nasunog ang Taiwanese ship nga Jung Ron, may 60 nautical miles north sang Stanley suno sa Falkland Islands Government. (JoMaque)