19 anyos nga driver sang SUV nga nagbunggo sa tricycle resulta sang apat ka patay sa Sta. Barbara, tuman ang paghinulsol sa natabu

Sta. Barbara, Iloilo – Naghinulsol si Aries Severo, 19, matapos apat ang napatay sang nabungguan sang iya ginamaneho nga SUV sa Barangay Lanag, Sta. Barbara sang nagligad nga semana.

Plano ni Severo nga istoryahon ang pamilya sang mga napatay bangud pigado man sila.

Gin-ako ni Severo nga gingamit niya ang salakyan nga ginpakay-o sa talyer sang iya amay bangud gusto niya nga makalagaw. Pero ginpanginwala niya nga 160 kph ang kadasigon sang salakyan.

Preso si Severo kag ginpasakaan sang kaso nga reckless imprudence resulting to multiple homicide.

Napatay sa aksidente sang Valentine’s sang kaagahon ang mag-utod nga Romel Surmieda, 25; Janice, 21; kag Eljay, 19, kag ang palamanhon ni Janice nga si Jero Poll Souribio nga driver sang tricycle nga ila ginsakyan. (AGB)