Barangay hall, day care center sang Tabucan, Mandurriao, nasunog

Iloilo City — Ginabanta sa isa ka milyon ka pesos ang kahalitan sang sunog sa walo ka balay, day care center kag barangay hall sang Tabucan, Mandurriao kagab-i, Pebrero 21.

Suno kay Kagawad Angel Alison sang Tabucan, Mandurriao, lakip sa nasunog ang duha ka generator sets; laptop; sound system; duha ka tv; computers, handsets kag importante nga mga papeles sang Barangay.

Temporaryo nga nagatiner sa Tabucan Elementary School ang mga nasunugan.

Naglawig sang masobra sa isa ka oras ang sunog nga nag-umpisa pasado alas nueve sang gab-i kag gintudlo nga nagsugod sa balay ni Annaliza Nagales. (AGB)