Amay sa Lambunao, gintiro patay sang iya bata; suspek, nagpalagyo

Lambunao, Iloilo — Patay ang amay sang gintiro sang iya bata sa Barangay Panuran, Lambunao, mga las 8 kagab-i, Pebrero 22. 0

May igo sa dughan lapus sa likod si Jimmy Lastimoso, 57 anyos, matapos gintiro sang ginapatihan shotgun sang iya bata nga si Jose Jimmy Lastimoso, 35 anyos.

Natabo ang krimen sa balay sang suspek kag biktima.

Suno kay Chief Inspector Rene Obregon, hepe sang Lambunao Police Station, nakainom ang bata sang may natabu nga komosyon sa ila sang iya amay bangud sa pinamilya nga problema.

Nagpatunga pa ang utod sang biktima nga tiyo sang suspek. Pero sang nagpauli ang tiyo, nakabati siya sang lupok kag nakita nga nagakayaun kag may pilas ang biktima sang iya ginbalikan.

At-large ang suspek nga nagpalagyo upod sa iya live-in partner kag bata. (AGB/KJT)