Newly-identified drug personality, dakup sa drug buy bust operation sa Barotac Nuevo

Barotac Nuevo, Iloilo — Dakup sa drug buy bust operation ang newly identified drug personality sa Barangay Tabucan las 7:40 kaina sang aga, Pebrero 23.

Suno kay Police Master Sergeant (SPO1) Samuel Dorilag, imbestigador sang Barotac Nuevo Police Station, nabaklan sang isa ka sachet sang shabu balor 700 pesos si Harmon Codiñera, 55 anyos sang amu man nga lugar.

Na-recover man sa subject ang anum pa ka sachets sang suspected shabu nga nabutang sa iya sapatos; P700 nga buy bust money, P40 nga kuwarta sang subject, isa ka pares sang sapatos; cellphone kag ID.

Ginabanta nagalab-ot sa P20,000 ang balor sang mga narecover nga suspected shabu sa subject.

Ginahibalo pa sang Barotac Nuevo police kun job hire gid man sa munisipyo si Codiñera. (AGB)