2 lalaki nga nakasakay sa motorsiklo, nakabunggo sa warning device sa San Miguel

SAN MIGUEL, ILOILO — Naaksidente sa ginasakyan nga motorsiklo ang 28 kag 25 anyos nga mga lalaki sa San Miguel, Iloilo.

Gin identify ang mga lalaki nga sanday Jonel Gayas sang Hibao an Pavia nga driver sang motorsiklo, kag ang angkas nga si Ronie Duco sang Dumangas.

Suno kay Sandy Pablo, kaupod sa trabaho sang duha, nagasunod sila sa motorsiklo nanday Duco kag Gayas kag nakita na lang nga natumba ang ila ginasakyan nga motorsiklo

Ginpahayag naman ni PO3 Art Arturo sang San Miguel Police Station nga nakabunggo sa warning device ang motorsiklo rason nga natumba.

Suno kay Arturo ginpahayag nga nakainom ang duha sang makahulubog nga ilimnon bangud naghalin fiesta sa Brgy Igtambo.

Gindala sa Western Visayas Medical Center si Duco nga may pilas sa ulo kag gusok samtang gindala naman Aleosan District Hospital si Gayas nga may pilas man sa ulo. (JoMaque)