Grupo sang menor-de-edad ginpahayag nag-rambol sa Mandurriao

Mandurriao, Iloilo City – Nag-rambol ang grupo sang menor-de-edad kagab-i, Pebrero 23.

Suno kay Angelo, 16 anyos, pasakyon kuntani nila ang ila upod sa jeep pero ginlagas sila sang pihak nga grupo.

Wala sila suno sa iya nakahibalo sang rason kun ngaa ginlagas sila. Ginpanginwala man niya nga kilala nila ang naglagas sa ila.

Suno naman kay Mak-Mak, 16 anyos sang pihak nga grupo, wala nila ginlagas ang grupo nanday Angelo.

Nagpanindugan siya nga sila ang ginlagas bangud nasuya suno sa iya ang grupo ni Angelo sa ila upod.

Yara subong sa Mandurriao Police Station ang mga kabataan kag ginahulat ang ila mga ginikanan.

Lunsay nagpanginwala ang magtimbang nga grupo kon sin-o ang nagpasimuno sang rambol. (JoMaque)