9-anyos nga bata nga babaye sa Badiangan, ginpatay sang iya amay nga ginpahayag nagasuprer sang depression
Badiangan, Iloilo — Gin-ako sang 30-anyos nga amay nga ginpatay niya ang 9-anyos niya nga bata nga babaye paagi sa pagtabon sang ulunan sa guya.
Suno kay Rio Carmen, naugot siya matapos nabasahan sa Facebook ang negatibo nga mga komento sang mga himata sang iya live-in partner batuk sa iya.
Tatlo ka tuig na nga naga-obra sa Hong Kong ang iloy sang Grade 4 pupil nga biktima.
Nanginpadlos pa ang biktima suno sa suspetsado apang nadaog niya.
Ginhakos kag ginhalukan pa sa ulo sang amay ang bata matapos ginhimo ang krimen kag nagpalagyo sakay sa iya motorsiklo nga may dala pa nga kutsilyo.
‘DEPRESSED AKO’
Gin-ako ni Carmen sang depressed siya bangud nauntat ang iya pag-eskwela sugod sang nagbusong ang iya partner kag nagtukod na sila sang pamilya.
Nagkuha sang kurso nga Nursing sadto ang suspetsado.
Ginpahayag naman sang suspetsado nga sa imahinasyon lang niya ang iya ginpahayag pag-surveillance sa iya kasubong sang pelikula nga Naked Weapon.
Una na ginpahayag sang suspetsado nga miembro sang grupo nga Naked Weapon ang iya asawa.
‘INDI MAGPATI’
Indi magpati ang pamilya sang suspetsado kag ang pamilya sang iya live-in partner nga mahimo niya ang krimen.
Suno kay Marietta Carmen, iloy sang suspetsado, palangga gid sang iya bata ang biktima.
Wala naman sang may nanotisyahan nga irregular ang iloy sa batasan ukon aktwasyon sang suspetsado.
Upod sang mag-amay si Marietta sa ila balay.
‘MAPAULI SA ILOILO’
Ginkunfirmar naman ni Mercedita Evangelesta, iloy sang live-in partner sang suspetsado, nga napahibalo na ang iya bata sa insidente.
Natalana magpauli sa Iloilo ang iloy.
Desidido naman nga magpasaka sang kaso si Evangelesta apang ikonsiderar pa ang desisyon sang iya bata.
‘ARESTADO’
Preso sa Badiangan Police Station ang suspetsado kag natalana pasakaan sang parricide kag direct assault matapos ginpahayag nagtuyo mang-agaw sang pusil sa duha ka pulis nga nagbulig sa iya.
Una na ginpahayag ni Police Senior Inspector John Paul Guay, hepe sang Badiangan Police Station nga nadisgrasya ang suspetsado sa iya motorsiklo samtang nagapalagyo.
Subject naman sa autopsy ang bangkay sang biktima.
Achiever ang biktima sa ila eskwelahan kag masami nga malakip sa Top 10 sa ila klase. (AGB/ATT)