Anay barangay kagawad nga nalakip sa drug list ni Pres. Duterte, nadakpan sa buy bust operation sa Mandurriao

Iloilo City — Nadakpan sa buy bust operation sa Barangay Bakhaw, Mandurriao ang anay barangay kagawad sa amo nga lugar nga nalakip sa drug list ni Presidente Rodrigo Duterte.

Suno kay Police Senior Master Sergeant (SPO2) Alfred Tilano sang City Drugs Enforcement Unit, duha ka bulto sang suspected shabu balor P84,000 ang narecover kay Norberto Prevendido, 61-anyos.

Ginpahayag halin sa Manila ukon Bacolod City ang supply ni Prevendido.

Ang anay barangay kagawad nga high value target ukon HVT 2 drug personality sa drug list sang presidente ang magulang ni the late PDEA-identified drug group leader Richard Prevendido.

Ginpanginwala naman sang subject ang akusasyon batuk sa iya. (JoMaque)