Mga Badjao nga ginpabalik sang PSTMO sa Mindanao sang 2018, liwat nga nagbalik sa Iloilo City – PSTMO chief

Iloilo City — Liwat nga nagbalik ang mga Badjao sa siyudad sang Iloilo nga una na ginpapauli sa Mindanao sang Public Safety and Transportation Management Office (PSTMO) sang 2018.

Ini ang ginkumpirmar ni PSTMO Head Jeck Conlu matapos gin-account ang tanan nga badjao nga makita nagapangalimos sa siyudad.

Suno kay Conlu sang nagligad nga semana, nagpadulong ang ila team sa taytay sa Buhang, Jaro kag naabtan ang mga badjao. Sa amu nga area sila suno sa iya nagatipon kon gab-i.

Dugang niya, 31 ka badjao ang ila na-account.

Nagbalik man sa siyudad ang mga Badjao nga nagpalagyo sang nahibaluan nila nga pabalikon sila sa Mindanao sang nagligad nga tuig.

Nagpabutiyag ang mga Badjao suno sa iya nga mabudlay ang pangabuhi sa Mindanao kag nanamian sila nga magtiner sa Iloilo gani nga liwat nagbalik. (Ariel Solacito)