PSTMO, gina-proponer ang pagbutang sang underpass halin sa Iloilo Provincial Capitol patabok sa Casa Plaza Building

Iloilo City — Gina-proponer sang Public Safety and Transportation Management Office (PSTMO) nga magbutang sang underpass nga maga-angut sa Iloilo Provincial Capitol patabok sa Casa Plaza.

Ini ang ginpahibalo ni PSTMO Head Jeck Conlu kasunod sang ila plano nga panason ang pila ka pedestrian lanes sa syudad nga indi kinahanglanon.

Suno kay Conlu, ang nasambit nga proposal kabahin sang study kag design sang PSTMO agud liwaton ang island-island sa Atrium-Capitol area.

Ginsumiter na ni Conlu sa City District Engineering Office kag DPWH 6 office ang ila proposal agud matun-an kon posible ang amu nga plano.

Una na ginpabutyag ni Conlu nga tutukan sang PSTMO ang City Proper area sa pagdula kag pagbutang sang mga pedestrian lanes agud mapahagan-hagan ang pagpugok sang trapiko sa syudad. (JoMaque)