OFW nga iloy sang 9-anyos nga bata nga ginpatay sang iya amay sa Badiangan, nakaabot na sa Iloilo

Cabatuan — Nakaabot na sa Iloilo kaina sang kaagahon, Pebrero 27, ang Overseas Filipino Worker ukon OFW nga iloy sang siyam ka tuig nga bata nga babaye nga ginpatay sang iya amay sa Badiangan.

Naga-obra sa Hong Kong ang iloy nga si alyas Rubymer.

Suno kay Mercedita, iloy ni Rubymer, upod sang natungdan sa pagpauli ang isa gid niya ka bata nga OFW man sa Hong Kong.

Una na ginreport nga desidido si Rubymer sa pagpasaka sang kaso batuk sa iya live in partner nga si Rio Carmen.

Naka-hospital arrest naman ang 31-anyos nga suspect bangud sang bali sa wala nga kamot matapos nadisgrasya sa motorsiklo sang nagpalagyo kasunod sang krimen. (JoMaque)