Deped 6, nagpanawagan nga ipalapta ang awareness sa peligro sang suicide game nga Momo challenge

Iloilo City — Nagpanawagan si Department of Education 6 Public Information Officer Lea Belleza sa tanan nga school authorities nga magpalapta sang awareness sa mga estudyante angut sa peligro nga tuga sang suicide game nga Momo challenge.

Suno kay Belleza, ginka-alarma sang ahensya ang pag-viral sang challenge bangud target sini ang mga kabataan nga ginapahog nga magsunod sa mandu halin sa makahadlok nga monyika nga ginatawag kay Momo.

Si Momo naga-engganyo sa kabataan nga halitan ang ila kaugalingon kag ginasugo man sila nga maghikog.

Bisan wala pa sang may gin-report nga kaso sa Iloilo bangud sa Momo challenge, ginpahanumdom ni Belleza ang mga estudyante nga maghalong sa paggamit social media.

Nagpanawagan man siya sa mga ginikanan nga bantayan ang ila kabataan ilabe na nga sa subong nga panahon, indi malikawan nga ma-curious sila.

Ginpahayag ni Belleza nga mangin sa komunidad, dapat man nga magpalapnag sang awareness ang mga barangay officials. (AGB/JGM)