PSTMO, nagsuhestyun sa DPWH sang isa ka bulan nga dry run sa elevator sang overpass sa Diversion Road

Iloilo City — I-suhestyun ni Public Safety and Transportation Management Office Head Jeck Conlu sa Department of Public Works and Highways Region 6 nga maghimo sang isa ka bulan nga dry run sa elevator sa pedestrian overpass sa Diversion Road, Mandurriao.

Katuyuan sini nga mahibaluan ang kondisyon sang elevator bangud wala nakaagi operate halin sang nahuman ang overpass sang 2015 kag sa subong, makita nga wala na ini sang control panel kag may tuktok na.

Kun makita suno sa iya nga wala sang problema, i-turn over sa city government ang proyekto.

Mapakigsapol sa DPWH si Conlu agud ma-istoryahan ang iban pa nga problema sa overpass lakip na ang pagbutang sang atop agud indi mainitan ukon maulanan ang mga nagatabok ilabe na ang mga nagabusong, mga tigulang kag persons with disabilities.

Ipalab-ot man ni Conlu ang posibilidad nga magbutang sang security features sa overpass agud malikawan nga may maglumpat ukon magpaminsar nga mag-suicide. (AGB/JGM)