2 sakay sang yate nga nagkapan sa kadagatan sang Guimaras, naluwas sa Palawan makaligad ang apat ka adlaw

Palawan — Naluwas sa Cagayancillo, Palawan ang duha ka sakay sang yate nga ginpahayag nagkapan sa kadagatan sang Guimaras sang Pebrero 25 sang gab-i.

Ginconfirmar ni Lieutenant Commander Christian Jasmin, spokesman sang Coast Guard Palawan, nga una nakita si Pepito Bernardo sang Romblon kahapon sang aga, Marso 1 kag sunod nakita si Remedio Espinosa sang Cebu kahapon sang udto.

Gina-verify pa sang Coast Guard kon matuod nga na-rescue ang isa pa nila ka kaupod sa Antique.

Halin sa Dumaguete ang yate kag pakadto sa Boracay sang ginhampak sang dalagku nga balud sa Guimaras.

May pilas sa tiil si Bernardo nga suno sa iya, ginkagat sang bagis.

Gindala na siya sa Rural Health Unit sang Cagayancillo. (JoMaque)