Bangud sa tattoo, Lalaki ginbuno sang iya abyan sa Cabatuan

Cabatuan, Iloilo — Pilason ang lalaki matapos ginbuno sang iya abyan sa Brgy. Amerang mga las 4 kaina sang kagaahon, Marso 3.

Suno kay Police Captain Sullen Dominggo, hepe sang Cabatuan Police Station, halin sa belasyunan ang mag-abyan nga Kim Pabora, 26 sang Barangay Amurao Cabatuan kag Richard Solatra sang Barangay Amerang sang naghagaray nga mag-inum inom.

Ginpahayag ni Domingo nga gulpi lang nagbaisay ang mag-abyan bangud sa ila mga tattoo tubtub ginhangkat ni Pabora si Solatra.

Ginbuka suno sa iya ni Pabora ang botelya sang beer kag ginbuno si Solatra pero nasagang sang iya tuo nga kamot.

Nagkuha naman sang kutsilyo si Solatra kag ginbuno man si Pabora.

Gindala sa ospital sa syudad sang Iloilo si Pabora samtang arestado si Solatra. (JoMaque)