Batang Pinoy 2019 Visayas Qualifying Leg nga ginhiwat sa Iloilo, nagtakop na; Iloilo City, gindeklarar nga overall champion

Iloilo City — Gindeklarar nga overall champion ang Iloilo City sa Batang Pinoy 2019 Visayas Qualifying Leg nga nagtakop kahapon, Marso 2.

May kabug-usan nga 57 ka gold; 49 ka silver kag 44 ka bronze medals ang natipon sang Iloilo City.

Nagpangaduha ang Cebu City nga may 42 ka gold; 55 ka silver kag 63 ka bronze medals.

Nagpangatlo ang Ceby province, ginsundan sang Negros Occidental kag Lapu-Lapu City.

Suno kay Philippine Sports Commission Chairman William Ramirez, nangin alagyan ang Batang Pinoy agud matukiban ang ginatago nga abilidad sang kabataan sa patag sang sports.

Ang Batang Pinoy 2019 Visayas Qualifying Leg nga gin-host sang Iloilo ang nag-umpisa sang Pebrero 24 kag ang Iloilo Sports Complex amu ang sports venue. (JoMaque)