Ginabanta P600,000 ang kahalitan sang sunog sa Bakhaw, Mandurriao –initial investigation sang BFP

Mandurriao, Iloilo City – Ginabanta P600,000 ang ginbilin nga kahalitan sang sunog sa Bakhaw, Mandurriao, pasado las-singko kaina sang kaagahon.

12 ka balay ang gintupok sang kalayo.

Base sa initial nga imbestigasyon sang Bureau of Fire Protection – Iloilo City nga naghalin ang kalayo sa balay sang mga Mauricio kag naglapta sa ila katupad.

Madasig nga naglapta ang kalayo bangud human sa light materials ang kalabanan sang mga balay nga nasunog.

Ginahibalo pa sang mga otoridad ang ginhalin sang kalayo.

Napatay naman si Cris Vincent Mauricio, 43 anyos bangud wala siya nakaguwa sa iya kwarto sa diin ginpahayag naghalin ang kalayo.

Ginkumpirmar ni Kim, utod ni Cris Vincent nga naka-inom kagab-i nga naka-inom siya.

Temporaryo nga nagatiner sa Sangguniang Kabataan (SK) Hall kag covered gym sang barangay ang mga nasunogan. (Ariel Solacito)