Mag-asawa sa Dumangas, nagreklamo sa estasyunan matapos na-comatose ang ila lapsag sang ginbun-ag sa Dumangas District Hospital; Lapsag, may lagub sa ulo, dughan kag kamut

Dumangas, Iloilo— Nagreklamo sa Aksyon Radyo ang mag-asawa matapos na-comatose ang ila lapsag nga ginbun-ag sa Ramon D. Duremdes District Hospital sang Pebrero 27.

Sa alegasyon ni Jomalyn Galero, iloy sang lapsag, may lagub sa ulo, dughan kag kamut ang lapsag matapos ginpahayag ginpilit nga paguwaon sang mga doktor kag nurses sang nasambit nga ospital.

Suno kay Mrs. Galero, nag-request siya nga mapa-caesarean sa mga doktor pero wala siya ginpamatian sa baylo ginhambalan nga ibun-a na lang ang lapsag.

Indi masarangan ni Mrs. Galero nga paguwaon ang lapsag.

Dugang ni Mrs Galero, ginsakyan siya sa tiyan kag ginpilit nga paguwaon ang ulo sang lapsag nga ginpahayag nagresulta sang pagkahanog sang ulo sang lapsag.

Nakaguwa ang lapsag suno kay Galero pero kritikal naman.

Gin-transfer sa Iloilo Doctors Hospital ang lapsag. Ginpahayag sang mga doktor nga may 25% nga tsansa nga mabuhi ang lapsag.

Sa karon, naglab-ot na sa masobra P200,000 ang balayran sang pamilya Galero sa IDC. (JoMaque)