2 caretaker sang People’s Village sa Estancia, arestado sa drug buy bust operation

Estancia, Iloilo – 31 ka sachets sang suspected shabu ang nakuha sa duha ka caretaker/guard sang people’s village sa Bolaqueña, Estancia sa drug buy bust operation sang gintingub nga pwersa sang IPPO-Special Operations Group; PDEA 6 operatives kag Estancia police kahapon, Marso 6.

Nabaklan sang isa ka sachet sang suspected shabu kag nakuha pa gid ang dugang nga 30 ka sachets sa kanday Julie Ericilla, 38 sang Malapaya, Sara, kag Melvin Cordero, 21 sang San Roque, Estancia. Na-recover man ang P30,100 nga buy bust money nga ginabug-usan sang boodle kag subscribed money, isa ka cellphone, isa ka tablet, isa ka wallet, magazine sang 45 nga pusil kag 19 ka bala sang 45 nga pusil.

Preso ang duha sa Estancia Police Station.  (JoMaque)