4 lalaki sa Estancia, arestado matapos ginreklamo nga nagapangolekta sang kwarta sa mga fishing boats

Estancia, Iloilo (UPDATED) – Ginkilala ang nadakpan kanday Richard Obidos, 48 sang Brgy. Villa Pani-an, Estancia; Eldy Bag-ao alyas Bobong, 52 sang Brgy. Cabtil Hentotolo, Masbate; Gerard Balasabas alyas Tata, 19 sang Brgy. Cantil Balod, Masbate kag Angelico Capedante Jr, 18 sang Zone 6 Salmon Bay, Cadiz City.

Suno kay Police Major Niño Amar sang Estancia MPS, may nag-report sa ila nga may nagapangolekta sa pila ka fishing boats sa lawod kag kon indi maghatag, ginakuha ang mga hulik nga isda kag ginadala sa Masbate ang sakayan.

Sang pag-usisa sang kapulisan, nadakpan ang apat kag nakita nga may pangalan nga Police CIDG ang ila bangka.

Preso ang apat sa Estancia Police Station kag magapangatubang sang kaso nga robbery extortion.

May nakuha man sa mga nadakpan sang homemade nga pusil nga may tatlo ka bala kag tatlo ka sachets sang suspected illegal drugs. (JoMaque)