Lalaki, dakup sa drug buy bust operation sa New Lucena

New Lucena, Iloilo – Dakup sa drug buy bust operation si Roberto Manzano sa Barangay Guinobatan, pasado las-6 subong nga gab-i, Marso 6.

Suno kay Police Captain Felix Alianza, hepe sang New Lucena Police Station, apat ka sachets sang suspected shabu kag P1,000 nga buy bust money ang na-recover kay Manzano nga residente sang nasambit nga lugar.

Ginpanginwala ni Manzano nga nagabaligya siya sang illegal nga droga.

Nagguwa ang pangalan sang subject nga naangot sa illegal drugs kadungan sang fiesta sa ila barangay sang Pebrero 2. Nagpadulong suno kay Alianza sa balay sang subject ang iya mga kliyente.

Ginpahayag nagakuha sang suplay sang illegal drugs sa Bacolod City ang subject. (JoMaque)