Lapsag nga kritikal sa ospital matapos ginbun-ag sa Dumangas District Hospital, pakakasan sang apparatus sang iya pamilya

Iloilo City (UPDATE) – Plano sang pamilya Galero sang Dumangas nga magpirma sang waiver para kakasan sang mga apparatus ilabe ang respirator ang lapsag nga nagapabilin nga comatose sa private hospital sa syudad.

Una nga nagreklamo ang iloy nga si Jomalyn nga may lagub sa ulo, dughan kag kamut ang lapsag matapos ginpahayag ginpilit nga paguwaon sang mga doktor kag nurses sang Ramon D. Duremdes District Hospital sa Dumangas sang nagbata siya sang Pebrero 27.

Suno sa iloy, base sa pag-examine sa bata, ginpahayag nga nagbanog ang utok sang lapsag.

May posibilidad suno sa iya nga indi mangin normal ang bata.

Gin-alegar sang iloy nga pilit nga ginpaguwa ang bata bisan nag-request na siya nga magpa-caesarian bangud indi na niya masarangan nga magbun-a.

Magluwas dire, ginpahayag niya nga ginsakyan man siya sa tiyan tubtob mapaguwa ang lapsag.

Ika-anum na niya ang amu nga bata.

Nagmandu na si Dr. Gerard Joel Abonado, chief sang Dumangas District Hospital, sang imbestigasyon sa natabu kag nagpabutyag sang kahanda nga atubangon ang mag-asawa nga nagareklamo. (JoMaque)