ArchivesLokalUncategorized

1 patay, 2 pilason matapos gintiro sang riding-in-trio ang mga biktima nga sakay sa tricycle sa Passi City

Passi City– Isa patay, duha pilason matapos gintiro samtang nagasakay sa tricycle sa bisperas sang kapistahan sang Barangay Dalicanan, pasado ala una kaina sang kaagahon, Marso 9.

Suno kay PO3 Dennis Palma, sang Passi City Police Station, dead-on-arrival sa ospital si Afrantes Ararilla nga napilasan sa tangkugo samtang napilasan sa butkon ang magtiyo nga sanday Joebert Mandate kag Ludovico Claridad.

Gindala ang magtiyo sa Western Visayas Medical Center.

Naglantaw sang search nga “Super Nanay” ang mga biktima kag pauli na sang gintiro sang wala makilala nga tatlo ka lalaki nga nagasakay sa motorsiklo.

Ginpahayag nag-overtake ang tricycle sa motorsiklo sang gulpi lang nagpadasig kag nag-overtake man ang motorsiklo dala tiro sa mga biktima.

Duha ka lupok ang nabatian sang mga testigo.

Wala naman napilasan ang lima ka iban pa nga sakay sang tricycle.

Padayon nga ginapadalman sang mga pulis ang insidente. (JoMaque)

Leave a Reply