Calinog Mayor Alex Centena kag 8 iban pa, ginsuspender sang Sandiganbayan

Manila– Ginsuspender sang Sandiganbayan ang siyam ka public officials sang Local Government Unit sang Calinog.

Ini ginalakipan nanday Calinog Mayor Alex Centena; Municipal Treasurer Valentin Sobretodo; Acting Municipal Accountant Meriam Celeste; Municipal Agriculturist Crispino Castro; Municipal Supply Officer Jose Rex Casipe; Acting Municipal Administrator, BAC member Melanie Hilario; Municipal Planning and Development Officer, BAC member Rhoda Lyn Panizares; kag Sangguniang Bayan Secretary, BAC member Anna Lerio Caspillo.

Ginsuspender sang Sandiganbayan ang siyam ka local officials sa sulod sang 90 diyas bangud sa paglapas sa Republic Act 3019 ukon Anti-Graft and Corrupt Practices Act.

Epektibo ang suspension ni Mayor Centena upod ang walo ka iban pa sa tion nga mabaton nila ang suspension order sang Sandiganbayan.

Ang suspension sang mga opisyal ang may kaangtanan sa ila involvement sa P728-million fertilizer fund scam. (JoMaque)