Bike lane nga ginbutang sang DPWH, nagalapas sa ordinansa sang syudad nga nagadumili sa pagbisikleta sa pila ka dalanon — PSTMO Head

Iloilo City — Ginadumilian ang pagbisikleta sa pila ka dalanon sa syudad lakip na sa mga areas nga ginbutangan sang bike lane sang Department of Public Works and Highways.

Suno kay Public Safety and Transportation Management Office head Jeck Conlu, may Ordinance Number 1982-354 ang syudad nga nagadumili sa pagbisikleta sa dalan JM Basa; Iznart; Ledesma; General Luna; Bonifacio Drive; Forbes Street; Luna Street, Lapaz; Huervana; Luna Street, Jaro; Lopez Jaena, Jaro; Plaza Jaro kag MH Del Pilar Street, Molo. 

Posible suno kay Conlu nga wala na-check sang DPWH ang mga ordinansa sa syudad antes ginbutang ang bike lane.        

Suno pa kay Conlu, wala pa ma-turnover sa syudad ang proyekto nga ginhimo antes pa man natukod ang PSTMO. (JoMaque)