Tagdumalahan sang ISCOF Dumangas, mahimo sang imbestigasyon sa pagpatay sang graduating student sa kasubong nga estudyante sa Boy’s dormitory; Nadakpan nga suspek, posible kasuhan sang murder
Dumangas, Iloilo — (UPDATE) Mahimo sang imbestigasyon ang tagdumalahan sang Iloilo State College of Fisheries angut sa paglampus sang tubo sang corps commander sang ROTC sa iya kadete nga gintunaan sang iya kamatayon.
Natabu ang pagpatay kay Willy Amihoy, 23 anyos sang Negros Oriental sa Boy’s Dormitory sang ISCOF-Dumangas Campus pinaagi sa paglampos sang tubo ni Elmer Decilao, 22 anyos sang Ermita, Dumangas.
Suno kay Acting OIC Administrator Dr. Eddie Nilo Empedrado, nagsapol ang mga college officials matapos ang insidente.
Una nga ginpahayag ni Chief Inspector Jogen Suegay, hepe sang Dumangas Police Station nga nag-aku ang suspek nga iya ginpatay ang biktima bangud ginpasibangdan siya nga nagkawat sang wallet.
Ginpahayag ni Empedrado nga wala sila sang impormasyon sa amu nga isyu.
Ginakasubo man suno sa iya sang pamunuan sang eskwelahan ang krimen sa diin involved ang ila duha ka estudyante.
Posible nga mangatubang sang kaso nga murder ang nadakpan nga suspek suno kay Suegay. (JoMaque)