24-anyos nga mangunguma sa Janiuay, nagtuyo magpanginmatay paagi sa paglaslas sang iya tiyan

Janiuay, Iloilo— Gindala sa ospital ang 24-anyos nga mangunguma matapos nagtuyo magpanginmatay sa isa ka barangay sa Janiuay kagab-i, Marso 12.

Ginlaslas ni alyas Jay-R ang iya tiyan gamit ang double blade nga kutsilyo nga gindala sa Western Visayas Medical Center.

Suno sa tiyo nga si alyas Jimmy, nagpahubog si Jay-R kagab-i matapos gin-basted sang iya ginpangaluyagan.

Ginpahayag sang tiyo nga malapit isa ka bulan na nga nagapangaluyag si Jay-R kay alyas Nene. (JoMaque)