4 pulitiko sa Western Visayas, naka-request na sang police escorts – PRO6

Iloilo City – Apat ka pulitiko sa Western Visayas ang naka-request sang police escorts matapos nga ginpang-recall kasunod sang pagsugod sang election period.

Lakip sa mga naka-request amo sanday Antique Lone District Representative Paolo Everado Javier, Iloilo City Lone District Rep. Jerry Treñas, Mayor Joe Espinosa kag Gov. Arthur Defensor.

Suno kay Police Regional Office 6 Spokesperson Supt. Joem Malong, padayon ang ila validation sa listahan sang mga pulitiko nga nag-request sang police escorts bangud gin-reshuffle ang pila ka police sa mga lugar sa rehiyon nga may mga himata nga nagapadalagan sa eleksiyon sa lugar kun diin sila na-assign.

Base sa record sang PRO6, halin sa 126 sang Enero, naglab-ot na subong sa 173 ang mga pulis nga gin-reshuffle.

Gin-athag ni Malong nga ang Commission on Elections ang naga-validate kag naga-approve sa request sang mga pulitiko agud maka-angkon sang police escorts. (JoMaque)