Facebook outages, na-experiensiyahan sa madamo nga pungsod
Nag-post sa Twitter ang Facebook, ginakabig nga largest social network sa kalibutan, agud magpa-athag nga naga-experiensiya sang outages ang ila mga apps sa bug-os nga kalibutan.
Nabudlayan ang mga may accounts sa Facebook kag iban pa nga platforms nga ginapanag-iyahan sang tech giant pareho sang Instagram, Messenger kag WhatsApp mga maka-access sang serbisyo.
Suno sa outage-tracking site nga DownDetector.com ang problema na-experiensiyahan sa US, Central kag South America kag Europa.
Suno sa Twitter post sang Facebook, ginatinguhaan nila nga makay-o ang problema.
Gindeny sang Facebook nga resulta sang distributed denial-of-service (DDos) attack, ang pamaagi sang pag-hack sa diin gina-flood ang network sang kompaniya, ang natabu sa Facebook. (JoMaque)