Ginpangayo nga TRO sang PECO agud balabagan ang pag-take over sang MORE sa power distribution sa Iloilo City, gin-grant sang korte
Iloilo City — Gin-grant sang Mandaluyong City Court ang gin-file nga temporary restraining order ukon TRO agud balabagan ang pag-take over sang MORE Electric and Power Corporation.
Ang TRO may kaangtanan sa pagpirma ni Presidente Rodrigo Duterte sang laye nga nagahatag sang legislative franchise sa MORE.
Ginkumpirmar ni Engr. Rany Pastolero, Vice President for Operations sang PECO nga ginpahibalo sila nga gin-grant sang korte ang ila TRO.
Ginkuwestyun sang PECO ang sections 10 kag 17 sang bag-o nga kasuguan nga nagapahanugot sa MORE nga i-expropriate ang assets sang PECO
Ginpaathag naman ni Atty. Eldrid Antiquiera nga may kinamatarong ang MORE nga mag-exercise sang power of eminent domain base sa laye nga nagahatag sang legislative franchise sa MORE.
Ang power of eminent domain suno sa iya ang special proceeding ukon relief sa idalum sang rules of court nga gina-file para maka-take over sang pribado nga propedad.
Ini ang rason kun ngaa nag-file sang expropriation complaint ang MORE sa Regional Trial Court sang Marso 11. (JoMaque)