Job hire nga ginpahayag namahog sa City Treasurer, nagpahayag nga indi siya drug surrenderer kag wala siya ‘nagapanumba’ sadtu
ILOILO CITY — (UPDATE) Ipa verify na lang ni City Treasurer Jinny Hermano kun drug surrenderer gid man si Jeffrey Acapulco, ang job hire nga ginpahayag namahog agud maswelduhan.
Suno kay Acapulco, indi siya drug surrenderer kag wala siya nagpahayag nga nagapanumba siya.
Ang iya lang ginhambal nga nagahatag gani sang solusyon sa mga drug surrenderers kag ngaa indi sa ila.
Dugang pa niya, naghambal man siya nga kulang na kang nga manumba siya para nga may inog gasto sa pamilya.
Ginpahayag ni Acapulco nga nag yuhom pa sa iya si Hermano sang manog lakat na sila kag nagpahayag nga buligan sila.
Si Acapulco, nga lima na ka tuig nga job hire, ang may apat ka kabataan lakip ang lapsag nga duha ka bulan nga ginasagod.
‘WALA KO SIYA GINPAHOG’
Wala sang kamatuoran nga ni Ini ang depensa ni Jeffrey Acapulco si City Treasurer Jinny Hermano.
Suno kay Acapulco, nagpadulong sila sa opisina ni Hermano sang Martes sang hapon (Marso 12) agud magpangayu sang advice tuhoy sa ila atrasado nga sweldo kag mag-follow up kuntani sang ila payroll.
Duha ka bulan na sila nga wala maswleduhan.
Ginapanginwala niya ang akusasyon batuk sa iya ni Hermano nga nagpamahog kag nagpakilala siya nga drug surrenderer.
Posible suno sa iya nga sala ang paghangop ni Hermano sa iya pahayag nga ‘ang mga drug surrenderer gani nasolusyunan ang ila problema, kuntani masolusyunan man ang amon problema.’
Gin-deny man niya nga nagpakilala siya nga drug surrenderer.
Ginapanindugan ni Acapulco nga wala siya sang malain nga record kag wala siya kaagi naangot sa illegal nga droga.
CITY TREASURER JINNY HERMANO NAGSALA LANG- TASK FORCE HEAD JORGE DURON
Nagsala lang si City Treasurer Jinny Hermano sang naghambal nga ginpahog kag ginpabati batian siya sang job hire sang Task Force on Morals and Values Formation nga nagapanumba sila sang una kag tokhang surrenderer siya.
Suno kay Task Force Head Jorge Duron, nangayo lang sang abiso si Acapulco upod ang anum pa ka job hires nga sanday: Ricky Araneta, Ada Natividad, Arfil Pedrosa, Marigold Japitana, Angeli Jamori, Ma-i Azarcon.
(JoMaque)