Carles Mayor Seigfred Betita, Maasin Mayor Mariano Malones kag anay Iloilo City Mayor Jed Patrick Mabilog, nalakip sa mga ginpanglawag ni Presidente Rodrigo Duterte nga ginpahayag involved sa illegal drugs

Iloilo City — Duha ka mayor kag isa ka anay mayor halin sa Iloilo ang nalakip sa 46 ka mga pangalan nga ginlawag ni Presidente Rodrigo Duterte nga ginpahayag involved sa illegal drugs.

Nalakip sa ginpangalanan sang presidente sanday Carles Mayor Seigfred Betita, Maasin Mayor Mariano Malones kag anay Iloilo City Mayor Jed Patrick Mabilog.

Sa Western Visayas, nalakip man sa ginlawag sanday Hamtic, Antique Mayor Julius Ronald Pacificador kag Culasi, Antique Vice Mayor Ariel Alagos Jr.

33 ka mayors, 8 ka vice mayors, tatlo ka congressman, isa ka board member kag isa ka former mayor ang ginpanglawag sang presidente sa press briefing sang National Peace and Order Council meeting sa Davao City kagab-i, Marso 14.

 Suno sa presidente, wala niya ginlawag ang iban nga pangalan bangud indi pa siya sigurado. (Ariel Solacito)