Carles Mayor Seigfred Betita, nagapanindugan gihapon nga wala siya sang kahilabtanan sa druga matapos liwat nga nalawagan ni Presidente Rodrigo Duterte

Iloilo City — Madugay na nga balita ang pag-angut kay Carles Mayor Seigfred Betita sa illegal drugs.

Nagapati ang alkalde nga naangut ang iya pangalan sa illegal drugs bangud Betita ang iloy ni the late PDEA identified drug group leader Melvin Odicta.

Ginbuyagyag sang alkalde nga makaduha ka beses sila nagkitaay ni Odicta sang 2015 ukon 2016 sang napatay ang utod sang alkalde kag ginikanan ni Odicta.

Pero ginpanindugan ni Betita nga wala siya nakahibalo sa mga aktibidad ni Odicta.

Ginsulit man ni Mayor Betita nga wala siya sang kahilabtanan sa illegal nga druga kag nakahibalo sini suno sa iya ang mga taga-Carles.

Si Betita ang nagapa-reelect sa May 13 midterm elections.

Nalakip si Betita sa 46 ka pulitiko nga ginlawag kagab-i ni Presidente Rodrigo Duterte nga ginpahayag involved sa illegal drugs. (Ariel Solacito)