Panday sa Arevalo, nakuhaan sang 20 ka sachets sang suspect shabu sa buy bust operation

Iloilo City — Arestado sa buy bust operation ang panday sa Sto. Niño Norte, Arevalo kagab-i, Marso 14.

Nakuha kay Norton Acol, 33-anyos sang Calumpang, Molo ang 20 ka sachets sang suspected shabu.

Magluwas diri, nakuha pa gid kay Acol ang P1,100 nga buy bust money.

Ginhimo ang operasyon sang Regional Drug Enforcement (RDEU). (Ariel Solacito)