Hinablos, nabun-an sang iya tiyo sa Oton

Oton, Iloilo — Gindala sa Western Visayas Medical Center si Mico Sale, 30 anyos sang Brgy. Tuburan, matapos nabun-an sang iya tiyo las 3:30 kaina sang kaagahon, Marso 17.

May pilas sa wala nga ilok, liog, kag tiyan si Sale tuga sang pagkabuno kag may mga defense wound man sa iya kamot.

Suno sa utod sang biktima nga si Shena Spring Alitre, nagabantay sa tyangge sang ila pakaisa si Sale kag naga-inom-inom man upod sa iya tiyo nga si Jonel Espaldon sang may natabu nga indi pag-intindihanay tubtob nga nabun-an ang biktima.

Ginpahayag nga napikon ang suspek sa sunloganay nila sang biktima.

Nadakpan ang suspek sa hot pursuit operation sang kapulisan kaina sang kaagahon. (JoMaque)