Lalaki nga nagsulong sa balay sang iya kontra sa Calinog, gintiro-patay
Iloilo — Patay si alyas Butlog Sinser, residente sang Barangay Lonoy, Calinog matapos gintiro sang suspect nga ginkilala kay alyas Tulindoy Legaspi sang Sitio Kanyugan, Barangay Alibunan kahapon, Marso 16.
Suno kay Chief Inspector Nemias Pamplona, hepe sang Calinog Police Station, ginsulong ni Sinser ang balay ni Legaspi kag gintaya-an sang pusil ang iya asawa rason nga gin-agaw sang suspek kag gintiro ang biktima.
At large ang suspetsado kag dala ang pusil nga gingamit sa pagtiro sa biktima.
Daan nga hiligut-anon ang ginapatihan motibo sa krimen suno kay Pamplona. (JoMaque)