Van nga naka-park sa higad sang dalan sa Molo, nagkalayo

Iloilo City — Nagkinaran-karan ang mga residente sa Brgy. San Pedro, Molo sang nagkalayo ang daan nga van nga naka-park sa higad sang dalan mga las 12:45 kahapon nga hapon, Marso 16.

Ang van ang ginapanag-iyahan ni Aladin Pacite kag ginabanta duha ka tuig na nga naka-park kag wala na ginagamit.

Sa pagpati sang mga pumuluyo, nahabuyan sang upos sang sigarilyo ang van bangud masami ini nga ginatambayan.

Wala na naglapta ang kalayo matapos nga ginrespondehan sang mga bombero. (JoMaque)