Construction worker, nasapwan patay sa Tabuc Suba, Jaro

Jaro, Iloilo City – Patay na sang nasapwan ang construction worker sa Sitio Taal, Brgy. Tabuc Suba, Jaro las 11:30 kagab-i, Marso 17.

Ginkilala ang biktima kay Ronilo Puig, 54 anyos sang Brgy. San Roque, Jaro nga may madamu sang pilas sang pagkabuno sa lawas.

Indi pa matul-id sang kapulisan kon anu ang motibo sa pagpatay sa biktima.

Suno kay SPO1 Junven Damaolao, imbestigador sang Jaro Police Station, medyo masabad ang biktima kun naka-inom. Antes pa man nagkadtu sa iya pakaisa sa fiesta sang Sitio Taal sa Barangay Tabuc Suba, naka-inom na ang biktima suno kay SPO1 Damaolao.

Katapusan nga nakita sang iya pakaisa ang biktima nga naga-inom samtang nagapungko sa tyangge.

Ginapatihan sang pulis nga indi lang isa ang nagpatay sa biktima. (JoMaque)