Lalaki sa Lapaz, ginpa-preso matapos ginkuga ang nobyo sang ila tupad balay

Lapaz, Iloilo City — Preso sa Lapaz Police Station ang 38 anyos nga lalaki matapos ginpahayag ginli-ab kag ginkuga ang nobyo sang ila tupad balay sa Barangay Gustilo, Lapaz kagab-i, Marso 17.

Suno sa tagreklamo nga si Stephanie Binueza, nagsulod sa ila balay nga wala sang pahanugot kag nag-eskandalo si Joseph Tabia Jr kag ginkuga ang iya nobyo nga si Joseph Ivan Torres, 28 anyos sang Q. Abeto, Mandurriao.

Ginpahayag nga nagapanimaho sang ilimnon si Tabia sang natabu ang insidente.

Posible suno kay Binueza nga napaukpan ang iya nobyo bangud wala ginasapak si Tabia sang iya nobya.

Antes natabu ang insidente, nagpadulong sa balay ni Binueza ang nobya ni Tabia pero sang gintawag sang lalaki, wala niya ginsapak.

Posible nga ginbatiyag ini ni Tabia. (JoMaque)