Suplay sang MIWD, nagakaigu kon indi maglala ang El Niño –MIWD OIC

Iloilo City — Nagakaigo ang supply sang Metro Iloilo Water District kon indi maglala ang El Niño.

Ginpasiguro ini ni MIWD OIC Marjo Castro.

Suno kay Catro, naga-average sa 40,000 cubic meters ang water demand kada adlaw kag may supply ang MIWD nga 77,000 cubic meters kada adlaw.

Magluwas sa main source sang MIWD halin sa dam sa Maasin, steady man suno kay Castro ang supply sang Flo kag Prime Water kag may alternative sources man ang water district.

Ginalauman naman ni Castro nga mabuhinan ang non-revenue water ukon nagakausik nga tubig kon makasugod na ang MVP group of companies sa pag-operate.

Nagpirma ang MIWD sang joint venture agreement upod sa MVP group of companies kag gina-finalize na lang ang mga requirements agud maka-pipe laying na ang kompaniya.

Target sang tikang suno kay Castro nga mapanubo sa 35% halin sa 47% subong ang non revenue water, ma-improve ang water pressure kag mahimo 24/7 ang supply kag mapalapad ang coverage. (Ariel Solacito)