63-anyos nga manugpataya STL sa Barotac Viejo, nagreklamo nga ginhimuslan sang 29 anyos nga handler sang inugbulang nga mga manok

Btac. Viejo, Iloilo –Nagreklamo ang nagapataya sang STL sa Barotac Viejo nga ginhimuslan siya sang handler sang inugbulang nga mga manok kahapon sang kaagahon, Marso 21.

Si alyas Cora, 63 anyos ang dalaga kag isahanon nga naga-istar sa iya balay.

Sa imbestigasyon ni Chief Inspector Joven Arevalo, hepe sang Barotac Viejo Police Station, pasado alas-12 sang kaagahon sang nakabati si Cora sang lagapok sa guwa sang iya kwarto kag iya pa gindumdom nga kuring nga naglumpat. Pero sang naguwa siya, hinali siya ginbutong ni alyas Boknoy, 29, may asawa.

Suno kay Cora, gintabunan ni Boknoy sang kamot ang iya baba kag ginkuga pa siya antes ginhimuslan. Nagpakitluoy pa siya kay Boknoy nga indi manugid kag indi lang siya pagpatyon.

Nagapanimaho sang ilimnon si Boknoy sang nadakpan sang mga pulis suno kay Chief Inspector Arevalo, pero iya ginpanginwala ang akusasyon ni Cora.

Desidido si Cora nga pasakaan sang kaso si Boknoy. (AGB)