Magnitude 4 nga linog, nagtay-ug sa Iloilo, Guimaras kag Negros Occidental

Iloilo — Gintay-ug sang linog ang Iloilo, Guimaras kag Negros Occidental kagab-i, Marso 22.

Suno kay Leniel Villalobos sang PHIVOLCS Manila, magnitude 4.0 ang kabaskugon sang linog nga may kadalumon nga 59 kilometro kag nabatyagan alas-8:51 sang gab-i.

Na-record ang epicenter sang linog 15 ka kilometro South sang Nueva Valencia, Guimaras kag tectonic ang origin.

Wala sang gin-report nga kahalitan sa pagtay-ug. (JoMaque)