Task Force Beautification, may 50 ka sobra nga job hires

Iloilo City — May 50 ka sobra nga job hires ang Task Force Beautification sang syudad suno kay task force head Romulo Pangantihon.

148 lang suno kay Pangantihon ang napondohon nga personnel sa ila opisina pero nagdugang sang 50 ang syudad.

Gin-ako ni Pangantihon nga gin-request niya sang Enero ang dugang nga job hires agud magbulig sa pagpangbunyag sa mga tanum sa syudad ilabe na subong nga tig-ilinit.

Gin-deploy ang 50 ka job hires halin Pebrero tubtob Marso.

Nakadepende na suno kay Pangantihon kanday Mayor Joe Espinosa, Accounting kag Treasurer’s Office ang pag-areglo kon paano maswelduhan ang mga job hires. (JoMaque)