Cart vendor sa Alimodian, nasunog

Alimodian, Iloilo — Nasunog ang bilog nga lawas ni Aquilino Caporte Jr., 42 anyos sang Brgy Paho, matapos nga naulaan sang nagakalayo nga mantika nga iya ginagamit sa pagluto sang fried chicken nga iya ginabaligya sa Brgy Poblacion mga las 6 kahapon sang hapon, Marso 24.

Suno kay Senior Fire Officer 3 Arnold Abellar sang BFP-Alimodian, may leak na ang tangke sang gas nga ginagamit ni Caporte.

Bangud sang pressure posible suno sa iya nga nabuslot ang ginsulda nga tabon sang leak rason nagpuswak ang gas halin sa tangke kag gindakop sang kalayo.

Madasig nga naglaton ang kalayo sa kalaha nga may mantika kag naula kay Caporte.

Magluwas sa iya, may minor injuries man ang iya asawa nga si Lilibeth bangud naagsikan sang mantika.

Gindala ang duha sa Aleosan District Hospital apang out patient ang asawa.

Gin-refer naman sa Western Visayas Medical Center si Caporte. (JoMaque)