Negosyante sa Lemery, ginserbihan sang search warrant; Subject, nakuhaan sang mga pusil kag bala

Lemery, Iloilo— Arestado si Noberto Romualdo sang Barangay Agpipili matapos nakuhaan sang mga pusil kag bala pagkatapos ginserbihan sang search warrant kahapon sang aga, Marso 24.

Suno kay SPO2 Fermin Labordo, deputy Chief of Police sang Lemery Police Station, nakuha sa subject ang duha ka homemade shotgun, isa ka magazine sang shotgun, .38 caliber, 17 ka bala sang .357 revolver, apat ka bala sang 45 caliber kag 24 ka bala sang shotgun.

Ginhimo sang CIDG Province ang search warrant sa koordinasyon sang Lemery Police.

Preso na si Romualdo sa karsel sang Lemery Police Station kag natalana kasuhan. (JoMaque)