Online teacher, nagreklamo matapos ginpahayag gin-video sang iya boardmate samtang nagapaligo

Iloilo – Desidido nga magpasaka sang kaso ang 26 anyos nga online teacher batuk sa 24-anyos niya nga boardmate nga lalaki matapos nadakpan niya nga gina-videohan kag ginaling-ling siya samtang nagapaligo.

Natabu ang insidente sa comfort room sa ila boarding house sa City Proper sang Sabado sang aga, Marso 23.

Suno kay Alyas Anne, nakatapos na siya paligo sang natalupangdan nga may nagasiga-siga sa pihak nga CR kag iya nakita ang camera.

Ginpulpog niya ang pwertahan sang pihak nga CR kag ginpaguwa ang yara sa sulod.

Nagguwa suno sa iya si Alyas Mark kag nagpangayu sang pasaylo.

Nagpasalig sa iya ang lalaki nga panason ang video nga iya nakuha.

Ginpakamaayo ni Anne nga magpa-blotter sa Police Station 1. (JoMaque)