2019 budget sang probinsiya, indi pa mapasar antes matapos ang Marso –Ex-officio BM Dorothy Paes

Iloilo – Indi pa mapasar ang proposed 2019 budget sang probinsiya sang Iloilo subong nga semana.

Ini ang pahayag ni Liga Federation President kag Ex-Officio Board Member Dorothy Paes nga chairperson sang Committee on Appropriations sang Sangguniang Panlalawigan Dorothy Paes.

Nagapadayon ang committee hearings sang komitiba samtang ginahulat ang utilization report sang pila ka opisina sa Provincial Capitol.

Suno kay Paes, may pondo nga wala ma-utilize sang pila ka opisina halin 2016 kag kinahanglan pa niya ini sa iya report.

Kon matapos na suno sa iya ang committee hearing kag masumiter ang tanan nga utilization reports, mahimo pa sang committee report si Paes kag isumiter sa plenary para sa first, second kag third reading.

Nagalaum si Paes nga may quorum ang ila nabilin nga sessions antes ang Holy Week agud madasig nga mapasar ang budget.

Naga-operate subong ang probinsiya sa 2018 reenacted budget bangud wala gihapon maaprubahan ang proposed 2019 budget. (JoMaque)