Ginapatihan NPA leader nga napatay sa engkwentro sa Miagao, naggamit sang ID sang anay barangay kagawad sa San Joaquin nga madugay na nga napatay — Philippine Army

Iloilo — Naggamit sang lain nga identification card ang ginapatihan leader sang New People’s Army nga napatay sa engkwentro sang mga soldado kag mga rebelde sa Barangay Alimodias, Miagao sang Marso 24.

Suno kay Lieutenant Colonel Sisenando Magbalot Jr., commanding officer sang 61st Infantry Battalion, nadiskubrehan sa ila validation nga madugay na nga napatay si Leonardo Seterra sang Barangay Danawan, San Joaquin.

Una na ginpahayag ni Police Chief Inspector Johnny Tumambing, hepe sang Miagao Police Station, nga nakita ang ID ni Seterra sa mga narecover kasunod sang engkwentro. (JoMaque)